«Қазақтелеком» тауар мен қызмет жеткізушілермен диалог ұйымдастырды

«Қазақтелеком» АҚ Ішкі қызметтер жөніндегі директорының м.а. Дәурен Керейбаев тауар және қызмет жеткізушілермен өтетін мұндай форматтағы ашық диалог компанияға көптеген өткір мәселелерді тиімді шешуге мүмкіндік беретінін атап айтты.

Нақтырақ айтқанда, алдыңғы кездесулерде қозғалған желі-өткізгіш өнімдеріне бағаның өсуі, ағаш тіректер, жиһаз және ағаш өңдеу өнеркәсібінің басқа да тауарларын сатып алуға қатысты мәселелердің тұтас кешенін шешуге мүмкіндік берді. Сондай-ақ, «Қазақтелеком» АҚ тендерлік құжаттаманы тексеру жұмыстарын аяқтап, 2022 жылға арналған жоспарларға сәйкес тауарлар мен қызметтерді сатып алуды қайта бастады.

«Желі Дивизоны» бірлестігінің материалдық-техникалық қамтамасыз ету департаментінің директоры Флора Абдулхакимова міндетті лицензиялауға жатпайтын тауарлар мен қызметтерді әлеуетті жеткізушілердің персоналына қойылатын біліктілік талаптарына егжей-тегжейлі тоқталды.

«Сатып алу мәніне байланысты біз әлеуетті жеткізушіден штатта сатып алу нысанасына сәйкес келетін салада білікті мамандардың болуын талап етеміз, бұл ретте жоспарланған жұмыстардың көлемін ескере отырып, орташа алғанда бір жылдан үш жылға дейінгі диапазонда жұмыс тәжірибесіне қойылатын талаптары бар қажетті мамандардың саны белгіленеді», – деп атап өтті Флора Абдулхакимова.

Бұл ретте «Қазақтелеком» АҚ-да тауар жеткізушілер кодексінің жобасы әзірленгенін атап өту қажет, ол бекітілгеннен кейін telecom.kz. корпоративтік порталында жарияланатын болады.

Кездесуге қатысушылар кең ауқымды мәселелерді талқылап, жақын болашақта диалогты жалғастыруға келісті.